2022 senesinden berli seyircilerimizniñ sayısı bayağı arttı, bunıñ içün içtimaiy ağları saifelerimizdeki direkt ve izaatlarda “Severodonetsk bu Donetskmi?”, “macarca saifeñiz barmı?” ya da “Vay, siz kitaplar da neşir etesiñizmi?” kibi şaşqın suallerniñ sayısı arttı. Bu sebepten, biz eñ çoq tekrarlanğan suallerni saylap, teşkilâtımıznıñ ve toplulığımıznıñ nasıl çalışqanını añlatmaq istedik.
Ne içün Ukraїner alâ daa göñülli leyha?
Ne içün Ukraïner alâ daa göñülli leyha?
Çünki biz, degerlerimizni paylaşqan ve Ukrayina ile ukrayinler aqqında kontent yaratmağa azır olğan er kes içün açıq bir toplulıq olmağa devam etemiz.
Göñüllilik, ukrayinlerni ayırğan hususiyetlerden biridir, biz ise professional göñüllilikni inkişaf ettirgen ilk medña leyhalarından biri oldıq. Bu, vatanğa fayda ketirerek, öz yerini tapma yoludur.
Taqımğa göñülli olaraq qoşulmaq içün, Google formasını toldurmaq kerek.
Bundan ğayrı, aktual boş iş yerleri aqqında malümatnı Lobby X platformasında da yerleştiremiz.
Ukraїner para qaydan ala?
Leyhalarımız içün grantlar qazanamız, bizge bağışçılarımız (ticariy teşkilâtlar) ve biz yaratqan kontentni sevgen donorlar toplulığı qol tuta. Toplulığımıznıñ faaliyetini desteklemek içün neşriyatımıznıñ kitap satıluvından qazanğan kâr, çetel neşriyatlarğa satılğan müelliflik aqlarından alınğan aqça mükâfatı ve onlayn tükânımızdaki şeylerniñ satıluvından kelgen para da yardım ete.
Siziñ neşriyatıñız da barmı?
Ebet!
Bizim ilk kitabımız — “Ukraïner. Ukrayinanıñ içinden” — 2019 senesi “Starıy Lev Neşriyatı” tarafından neşir etildi. 2021 senesi ise Ukrayinanı daa farqlı taraflardan köstermek içün öz kitaplarımıznı yaratmaq küçümiz bar olğanını añladıq.
Biz, ananelerniñ autentikligini, ukrayinlerniñ istidatlılığını ve olarnıñ ayatı ve turmuşınıñ özgünligini şimdiki vaqıtta köstergen kitaplarnı yaratamız. Ukraїner neşriyatınıñ kitaplarını online tükânımızdan ve kitap tükânlarından satın almaq mümkün.
Reklama beresiñizmi?
Yoq. Bu, mustaqil matbuat vastası olaraq qalmaq ve ne ve kimnen yazmağa dair qarar bermek içün añlı qararımızdır. Kontentimiz arasında bazı brendlerniñ adlarını ya da etiketlerini körseñiz, bular ya ikâyelerimizniñ qaramanları ya da Ukraïner leyhasınıñ maqsat ve degerlerini bütünley paylaşqan müessise ortaqlarımızdır.
Para toplavı aqqında malümat yerleştire bilesiñizmi?
Yazıq ki, yoq. Teşkilâtçısı olmağan kampaniyalarnı tarqatmaymız, çünki böyle alda cemiyetke olarnıñ aqqında yahşıca esabat berip olamaymız.
Ne içün Ukrayinanıñ memuriy bölünmesini degil de, regional bölünmesini qullanasıñız?
Ukraïner (2016) peyda olğanından berli, biz yer adlarını belgilemek içün Ukrayinanıñ tarihiy bölgelerini qullanamız. Çünki vilâyet ve rayonlarğa bölünüv sovet işğali devrinden qalüan bir miras.
Ukrayinler içün özlerini Dnipropetrovsk ya da Kirovoğrad vilâyetlerinen degil de, tarihiy bölgelernen aynılamaq daa tabiiy ve oñaytl olğanına inanamız. Bundan ğayrı, bu tarihiy bölge adlarınıñ devlet müessiseleri ya da brendlerniñ kommunikasiyasında daa sıq peyda olğanına quvanamız.
Siziñ materiallarıñıznı qullanmaq mümkünmi?
Ebet. Bu yerde eki yol bar:
– ticariy olmağan maqsatlarnen qullanuv (meselâ, derslerde, lektsiyalarda ve ilâhre) — böyle alda bizni müellif olaraq qayd etmekni unutmañız. Paylaşuv ve qaydlar içün minnetdar olurmız.
– öz leyhalarıñız içün qullanuv (meselâ, öz filmiñizni yaratmaq, fotoresim sergisini ya da hayriye tedbirlerini keçirmek kibi) — bu vaziyette Google-formasını toldurıñız.
Siziñnen kerekli malümatnı ve işbirlik teklifini paylacacaqmız.
Siziñnen işbirlik etmek isteymiz. Bunı nasıl yapmaq mümkün?
Eger UA muarririyeti içün fikirleriñiz olsa, bu Google formasını toldurıñız.
Diger sualleriñiz olsa, bizim zenaatdaşlarımızğa yazıñız:
– ortaqlıq teklifleri ve (ya da) institusional destek: oleksiy.oliyar@ukrainer.net (Oleksiy Oliyar)
– Ukraïner temsilcileriniñ offline/online tedbirlerde iştirak etmesi, izaatlar ve intervyü: comms@ukrainer.net (Tetâna Françuk)
Macarca/felemenkçe/türkçe saifeleriñiz barmı?
Al-azırda saytımıznıñ 13 til versiyası mevcut (ukrayince, inglizce, almanca, frenkçe, ispanca, türkçe, rusça, poloniyalıca, çehçe, yunanca, gürcice, yaponca, qırımtatarca), bundan ğayrı, bir sıra içtimaiy ağlardaki saifelerimizde qoşma tillerde (meselâ, portugalce, macarca, koreyce) kontent de yer almaqta. Tam cedvelnen “Ukraïner”niñ saifesinde tanışmaq mümkün.
