Ukraïner Production filmleri • Ukraїner

Ukraïner, memleketni qurıp, kelecek nesiller içün medeniy mirasnı saqlağan insanlarnıñ ikâyelerini filmge çeke. Bu filmlerde ukrayinlerniñ cenkniñ tesirine oğramadan, öz kimligini ve medeniyetini nasıl saqlap qalğanı kösterile.

BAŞ SAİFE - FİLMLER

Ukraïnerniñ vesiqalı filmleri

Ukraïner, 2016 senesi qurulğanından berli Ukryainanıñ farqlı köşelerini araştırıp, onıñ medeniy ve coğrafiy çeşitliginen tanış etken keşif kezintilerinen belli oldı. 2022 senesine qadar çıqarılğan filmlerimiz tabiatnıñ güzelligini, unikal ananelerni ve Ukrayinanı yaratqan unikal insanlarnıñ ikâyelerini köstere edi. Biz memleketniñ kerçek yüzüni, potentsialını ve kimligini em ukrayinler em de dünya içün köstermege tırışa edik.

2022 senesi Rusiye istilâsınıñ başlanmasınen filmlerimizniñ diqqat merkezi deñişti. Biz işğalden azat etilgen topraqlarğa barıp, cenk cinayetlerini, şeer ve köylerniñ yoq etilmesini ve ukrayinlerniñ cesür tirenüvini qayd etken ilk insanlardan edik. Filmler tek tarihiy vaqialarnı qayd etüv vastası degil, aynı zamanda işğalden zarar körgen insanlarğa qoltutuv ve cenk aqqında aqiqatnı tarqatma aleti ola. Ukrayin kimligi aqqında aytıp bermege devam etemiz, amma şimdi sağ qaluv ve medeniyetimizni qoruv küreşi kontekstinde.

Bizim filmlerimiz

1 / 7

Ukraїner. The movie (2019)

“Ukraïner. The Movie” — Ukrayinanıñ kündelik ayatı aqqında kino ikâyesidir. O, ğayrı adiy ukrayinler aqqında altı ikâye vastasınen taqdim etile. Film, insanlarnıñ çeşitligi memleketni nasıl birleştirgenini köstere.

TAFSİLÂTLICA (UKRAYİN TİLİNDE)

2 / 7

SERVİ / CUPRESSUS (2024)

“Servi” — 79 yaşındaki öz-özüni yetiştirgen ressam Valeriyniñ uzun zamandır arzu etken hayalını kerçekleştirmek içün ilk kere Yunanistanğa ketmesini añlatqan bir yolculuq filmidir. Bu memleketni daa evel yalıñız filmlerden ve kitaplardan tanıy edi.

TAFSİLÂTLICA (UKRAYİN TİLİNDE)

3 / 7

“Birlikte Milât bayramı” (2023)

“Birlikte Milât bayramı” — bu, 2023 senesi qara qış ayında ukrayin gençleriniñ işğalden ve Rusiye terrorından zarar körgen sakinler içün merasimler teşkil etip, Slobojanşçınağa bayram sevinçini ketirgenleri aqqında film ikâyesidir.

TAFSİLÂTLICA (UKRAYİN TİLİNDE)

4 / 7

Malanka. Evni muafaza etmek (2023)

“Malanka. Evni muafaza etmek” — Bukovınadaki İspasi köyünde malanka yürüşi aqqında vesiqalı qısqa metrajlı film. Baş qaraman Dmıtro Mazurâk köyde bayramnı canlandırdı ve er yıl anda qaytıp, ananeni devam ettire ve şeerde yaşamaq içün küç ala.

TAFSİLÂTLICA (UKRAYİN TİLİNDE)

5 / 7

O, Marafon civarında cenkleşti

“O, Marafon civarında cenkleşti” Ukraïnerniñ vesiqalı filmidir, mında cenkten qaytqan ve sivil yaşayışqa alışıp, başqalarğa yardım etken ukrayin arbiyleri aqqında aytıp beremiz.

TAFSİLÂTLICA (UKRAYİN TİLİNDE)

6 / 7

Biznes cenk vaqtında (2024)

“Biznes cenk vaqtında” vesiqalı filmi, Rusiyeniñ keñ kölemli basuvına baqmadan, muvafaqiyetnen inkişaf etken beş ukrayin şirketiniñ ikâyesini köstere. Cenk ketirgen büyük deñişmelerge baqmadan, ukrayin iş adamları, qıyınlıqlarnı yeñip, çalışmağa devam eteler.

TAFSİLÂTLICA (UKRAYİN TİLİNDE)

7 / 7

“Cesür şeerler”

“Cesür şeerler” filmi taqımımız 2022 senesiniñ yazında evleri Rusiye işğali altında qalğanlarğa qol tutmaq içün azırlağan multimedia leyhasınıñ devamıdır. Muzıkalı vesiqalı film çalğıcılarnıñ öz yırlarında yırlanğan şeerlerniñ ukrayin kimligi ve işğalcilerge qarşılıq tirenüv aqqında fikirlerini kontsert çıqışlarınen birleştire.

TAFSİLÂTLICA (UKRAYİN TİLİNDE)

Taqım

Ukraїner filmleri onlarnen göñüllilerniñ: operatorlar, montaj rejissörları, ses rejissörları ve diger mütehassıslarnıñ ortaq işi sayesinde peyda ola. Bu lâqayt olmağan insanlar Ukrayinanı farqlı ve meraqlı köstermek içün vaqtını ve beceriklerini sarf eteler. Bu esnasnı Ukraїnerniñ esas taqımı idare ete, olar göñüllilerni koordinatsiya ete ve planlarnı kerçekleştirmege yardım ete.

Tamam bu kibi professionallar ve göñüllilerniñ birleşmesi sayesinde Ukraïnner samimiy ve manalı filmlerni yarata. Ukrayinağa olğan sevgi esasındaki işbirlik sayesinde, çoq seyirci tarafından begenilgen keyfiyetli kontent yaratıla. Qoşulğan er bir iştirakçi bu yaratıcı işniñ müim bir parçasıdır.

Boğdan Loğvınenko

Ukraїnerniñ tesisçisi

Mıkola Nosok

Baş rejissör

KARINA PİLÜĞİNA

Prodüser, “Ğalebe bölükleri” leyhasınıñ rejissörı

Marına Mıtsük

Leyhalar reberi, prodüsing koordinatorı

ÖLĞA OBORİNA

Baş operator

Seyir etilecek yerler

Biz muntazam sürette offline tedbirler teşkil etemiz ve videolarımıznı, eger böyle bir tedbirni özüñiz teşkil etmek isteseñiz, meselâ, hayriye maqsadınen, beremiz.

“Malanka ve Milât bayramı” filmi başta “Planeta Kino” kinoteatrler ağında kösterile edi, offline kösterüvler bitken soñ ise Takflix ve Kyivstar TV online meydançıqlarında seyir etilmesi mümkün oldı.

Bundan ğayrı, Ukraïner Productionnıñ yañı videolarını Youtube kanallarımızda derc etemiz: @ukrainernet, bu Ukrayina aqqında kerçek malümat meydanımızdır @UkrainerQ, mında çeşit saalardan ukrayin ziyalılarınen, telükelerimiz ve istiqballerimiz aqqında intervyü keçiremiz ve @UkrainerW, mında duşman bizim yerimizge aytmasın dep, ukrayinlerniñ tirenüv tarihını vesiqalaştıramız.

Fikirler

IMDb-deki izaatlarıñız diger seyircilerniñ seyir etme qarar almasına yardım ete. Eger de siz Ukraїner Production filmlerini begenseñiz ve olar aqqında fikirleriñizni paylaşmaq isteseñiz, biz pek quvanırmız. Youtubedaki fikirleriñiz, izaatlarıñız, paylaşmalarıñız ve içtimaiy ağlarda köstergen faalligiñiz bizim içün eñ büyük teşekkürdir.