Baş saife - Bölgelerniñ episi - Karpatı -
Karpatı Merkeziy Avropanıñ şarqındaki bu dağ ağınıñ ukrayin qısmında yerleşken tarihiy bir bölgedir. Lehistan ve Romaniyanen sıñırdaştır. Mında üç ukrayin ast qavimi yaşay: ğutsullar, boykalar ve lemkalar. Dağdaki özüne has tecrit olarnıñ medeniy hususiyetlerini saqlamağa imkân berdi. Mında Ukrayinada eñ yüksek dağ massivleri, çoq qoruq, tabiiy ve landşaft parkları, rağbetli turistik yolları, dağ-lıja kurortları ve şifahaneler buluna. Tamam Karpatılarda çoq asıl zenaat ve üner saqlanıp qalğan. Mında asıl tarifler mücibi penir ve ötmek pişirile, ananeviy urba tikile ve muzıka aletleri yapıla.