Arman ayınıñ 23-nde Ukrayina devlet bayrağınıñ kününi bayram etermiz ve ğayrıdan bizni birleştirgen qıymetlerni hatırlap keçermiz.
Ken kölemli basuvnıñ başında Ukrayinanıñ şeer ve köylerine istilâcılar kirgende, rus arbiyler olarnı almasın dep Ukrayinalılar bayraqlarnı yerge kömip, balqurt sepetlerine ya da qaldırım taşçıqlarınıñ tübüne qoyıp gizley ediler. Bu ve daa çoq başqa misal, arbiylerimiz tarafından işğalden azat etilgen topraqlarnıñ memüriyetleri üzerinde köterilgen ya da duşmanlarnı quvmaq içün qullanılğan tehnikağa pekitilgen timsal bizim içün ne qadar müim olğanını köstere. Kim olğanları, ne yerden kelgenleri ve ne içün küreşmek devam etkenleri aqqında hatırlatuv olaraq er vaqıt yürekleriniñ yanında taşılğan timsal.
Bayram munasebetinen, arbiy fotomühbir Anton Şevelövnıñ farqlı arbiy areketler bölgelerinde çekilgen ve urus-ukrayin cenkiniñ timsali olğan fotoresimlerini kösteremiz.
