Avropa bunı yañıdan yaşay: Varşava–Mariupol

Keñ kölemli basuvnıñ başından rusiyeli askerlerniñ toqtamağan ateşleri ve raketa darbeleri sebebinden Mariupol binalarınıñ 90 %-inden ziyadesi zarar kördi. Çoq qatlı evlerniñ 40 %-i büs-bütün yıqıldı.

Evelden şeerniñ böyle qısqa müddet içinde yoq etilüvi tek özek silâsı qullanması neticesinde mümkün edi. Muasaradaki Mariupolde rusiyeliler bütün dünyağa Ukrayinalılardan nefretini ve tınç ealiniñ soyqırımını yapmağa azır olğanlarını kösterdiler. İşğal orduları Ukrayina terkibinde qalıp, soñki 8 yıl büyük suratnen inkişaf etken yarım millionlıq şeerni aman-aman yoq ettiler.